اينسان اوغلو وار اولدوغو گوندن "ائنيش"لرين اسيري، "يوخوش"لارين فاتئحي اولموشدور. نبيلر ايسه سونون خبرچيلري و باشلانغيجين موژده چيلري کيمي طالع يولونا سو سپميشدير. بلي، يئر فيزيکاسيندا دييشيکليکلر اولدوغو کيمي ميلتلر تاريخينده ده دييشيکليکلر اولموش، ترققيلر تنزوللرله نؤقطله نميشدير. حاديثه لر هئچ واخت عئيني خطده جريان ائتمه ميش، عکسينه گئجه لري گوندوزلر، قيشلاري دا باهارلار عوض ائتميشدير. بعضي ميلتلر بايراملارلا سئوينميش، بعضيلري ايسه ماتملرله ياسا بورونموشدور. واختي گلنده ده هر شئي ترسينه دؤنموش، گولنلر آغلاميش، آغلايانلار دا گولموشدور.
تئز-تئز پيس حاديثه لر اولور. گاه قوهوملارين باشينا بدبخت حاديثه لر گلير. گاه قونشولارين. تئلئويزيوندان آلديغيميز بد خبرلرينسه آردي-آراسي هئچ کسيلمير. قولاق هر گون بد خبر ائشيتمه سه کار اولور. بيز شهردن گليب ائوه چاتاندا گئنيش کوچه نين اورتاسيندا ياس چاديري قورولدوغونو گؤردوک. عادي بير حالدي. اينسانلار دوغولمالي، هره نين بير زاماني چاتديغيندا اؤلمه ليدير. قوجالاري جاوانلاشديرماق کيمي فؤوق العاده بير يئنيليک هله گلمير حکيملرين اليندن. هئچ وئجيمه ده آلماديم.
اينسان هر شئيي الينده توتا بيلمز هئچ بير زامان
نه گوجونو نه گوجسوزلوگونو نه ده اورگيني
و آچديم دئيرکن قوللاريني بير خاچ اولار کؤلگه سي
و ساريلديم دئريرکن پارچالايار او شئيي
حياتي غريبه و آجي دولو بير آيريليقدير هر آن
سئوگي نين سونو يوخدور
قارا شهرين اوجقار گئجه قوندو محلله لرينده کيرايه ده قالان طلبه لردن بيري، طيبب اينستيتوتوندا اوخويان اوروج، گونلرين بير گونو اؤزويله بيرليکده بير گنج قيز گتيرميشدي. دؤرد همکندلي راضيليغا گلديلر، قيز اونلارلا بيرليکده ياشاياجاقدي.
اوروج ياشجا هاميسيندان بؤيوک ايدي. بو ائوي ده او کيرايه ميشدي. قوهوملاري اولان بو اوشاقلارا دا يانيندا يئر وئرميشدي.
چايي – الينده کي ني - ايچه بيلميردي. قورجالانيردي، آرخاسينداکي ماسانين اوستونه قويولموش آرمودو ایستکاندا قالميشدي فيکري. او چايي گؤرن کيم ايچه جکدي؟ آرخاسي ماسايا، اوزو ديوارا قارشييدي. ائو صاحيبي گيريب چيخير، آچيق قاپي نين جيريلتيسي، اونون اورگي نين زيريلتيسينا قاريشيردي. قاپي نين سسيني ائشيديردي هر ايکيسي. اورگي نين سسيني ائشيديردي او آنجاق.
فردريش نيچه
...دئموکراتيک حرکاتدا يالنيز سياسي تشکيلاتين دوشکونلوگو فورماسيني دئييل، هم ده اينسانين دوشکونلوگو فورماسيني، يعني اونون اورتابابليق درجه سينه ائنديريلديگيني، دير-قييمتدن دوشدويونو گؤرن بيزلر نه ائتمه ليگيک؟..
رژيم، ضررلي کيتابلار يانديريلاجاق دئيه، امر ائدنده
و اؤکوز آرابالارينا دولدورولان کيتابلار
يانغين يئرينه آپاريلاندا
بير شاعير دهشته گلدي
بورادان وطن او قدر اوزاق گؤرسه نير کي...هر سحر-آخشام منيم يئريم بورادير.
بيلميرم، نه يه گؤره بورادا خيدمت ائتمک منه غريبه دويغولار بخش ائدير. اؤزومو دونياني چيگينلرينده ساخلايان آتلانت کيمي حيسس ائديرم. چيينيمده کي آوتوماتين آغيرليغي آز قالا سومويو سيزلاتسا دا، بونا دؤزمه يه چاليشيرام.
دؤزمه ييب نه ائدجم کي...؟ بيزي بورا يئييب-ايچمه يه گؤندرمه ييبلر کي..؟
اوينايانين بيرينجيسي بير ارکک و سونونجوسو بير قادين اولدوغو ايچين هر قادينين ساغيندا بير ارکک و سولوندا دا ديگر ارکک دورور، اؤيله جه ده هر ارکگين ساغ طرفينده بير قادين و سول طرفينده ايسه ديگر بير قادين دورور. بونون تئرسه سي ده اولابيلير، يعني دسته نين باشيني چکن ايلک اويونجو قادين دا اولابيلير. کيچيک بارماقلارلا بدنلرين تماسسي ساغلانيلير.
رقص ان قديم اينجه صنعت نؤوع لريندن بيريدير. ايلک اينسانلار ايستکلريني رفلکس اولاراق بعضي ريتميک حرکتلرله باشا ساليرديلار... اصلينده رقصين اينسانلارين اولماغيندان اول اولدوغو سؤيله نيلير. بعضي قوشلار و حئيوانلار رقص ائده رک يولداشلاريني چاغيريرديلار. عادي توووزقوشونون ايسپان ديليندن عمله گلن پاوانه رقصي، 1500-1600-جو ايللرده مشهور ساراي رقصي ايدي.
دوشونجه، ادبيات و اسطوره دونياسينا يئني بير باخيش آچيسي آختارانلارا خوش گلدينيز دئييب و اونلارين ايش بيرليگين گوزلوروك.