اوينايانين بيرينجيسي بير ارکک و سونونجوسو بير قادين اولدوغو ايچين هر قادينين ساغيندا بير ارکک و سولوندا دا ديگر ارکک دورور، اؤيله جه ده هر ارکگين ساغ طرفينده بير قادين و سول طرفينده ايسه ديگر بير قادين دورور. بونون تئرسه سي ده اولابيلير، يعني دسته نين باشيني چکن ايلک اويونجو قادين دا اولابيلير. کيچيک بارماقلارلا بدنلرين تماسسي ساغلانيلير.  

اويون باشلارکن هرکس چئشيتلي روح حاللري ايله جمعه داخيل اولور. عيني حركتلرله و آغير مئلودي ايله اؤنجه واحيد روح حالي نين، عيني دويوم، ذوق، ادراک قابيلييئتي نين ساغلانيلماسينا تلاش ائديلير. بونا بيرلئمه سورئجي دييه بيليريز. کولئکتيف (توپلو حالدا ياپيلان، بيز بير گوروپوز، برابر حركت ائدر، برابر نفس آليريز پيامي ني ايچه رن كلمه) ايشبيرليگي و يارديملاشما، دايانيشما اورتاميندا کؤتو دويغولارين تدريجاً بدندن دفع اولونماسينا چاليشيلير. بو اوزدن ده قادينلا ارکگين ال- اله وئرمه لرينه، فيزيکسل تماسدا بولونمالارينا راغما، هئچ بير شهوت دويغوسو باش قالديرماز. اسکي تورک اينانچلاريندا و گونوموزده جمع ائولرينده قادين-ارکک بير يئرده اويناميشلار. هم باياندا، هم ده بايدا باش قالديران دويغو شهوت اؤتئسي بير موتلولوق و روحاني حالدير. تدريجا اينسان روحي نين درين قاتلاريندا، ان دئرين قاتلاريندا بارينميش اولان يوکسک اينساني دئيرلر اويانماغا باشلايير، اينسانين ايچينده بيلينمئز ائنرژي قايناقلاري بولونور. کؤتو دويغولار ائغيتيليير و اولوملو ياراديجي دويغولارا دؤنوشور. بيرئيلئرين ايچينده کي داغينيق ائنرژي مرکزلشه رک آخيجي، ياراتقان ائنرژي حالينه گئلير.  

دسته سي نين باشيني چکن بي بير دايره چئرچيوه سينده ايستيقامئتي بئليرليير. اللر گؤيلئره قالخيپ اينديکچه، گؤيلئرين سونسوزلوغوندان ايشيق سئلي، اوينايان بايلارين وئ بايانلارين روحونا آخير تيلير. اينسانين بطنينده کي قارانليقلار آيدينلانير، اوسونداکي دويونلر آچيلير.  

جيسماني دويغولارين، بدن سل ايستکلرين باسقيسيندان، تمنني سيندن سييريليپ، تانريسال و گؤکسل دويغولار دوزئيينه ائريشيليير. بدن روحون ايراده سينه تابع اولمايا باشليير. اويون دوام ائتتيکجه قاتيليمجيلاردا کولئکتيفه اويوم سورئجي باشليير. بوتون بيرئيلئرين ايچئريسينده بنزر روح حاللري اويانيير. ايکي آشامادان اولوشور ياللي اويونو. بيرينجي ائورده بيرئيين کولئکتيفه اويوم ساغلاماسي، کولئکتيفله عيني احوال-روحييه يي پايلاشماسي باشليير. بوتون بيرئيلئر اوز قصورلاريندان آرينمايا اؤزن گؤستئريپ، فردي کيمليگيندن واز گئچه رک، يارديملاشاراق بوتونجو کولئکتيف بير کيمليک اولوشتورمايا چاليشيرلار. بوتون فردلرين تلاشي حسابينا هرکسين ايچينده کي تانريسال دويغولار اويانير و اويانميش بو دويغو دالغالاري کيچيک بارماقلارين تماسسي ايله بوتون گروپ اؤيه له رينه گئچير. بيرئيله اؤزدئشلئشير. بيري جمعه و جمع ايسه بيرئيه ائش اولويور. دويغولار پايلاشيلير. بو پايلاشما اوزوندن عيني تور دوشونمه، گؤرمه، ايشيتمه و ديگر ذوق آلما حاللري يارانير. بيرئيجيليکله توپلومسالجيليک اؤرنئگي گئرچئکلئشير.دويغولاري، اولوملو ائنرژيني پايلاشما سورئجي بيتتيکدن سونرا رقصين ايکينجي بولومو باشلار. 

بيرينجي بولومده فرد اوز كيمليگيني کولئکتيفليکته ايفاده ائديرديرسه، ايکينجي آشامادا کولئکتيفليک فردديده و فرديليكده ايفاده اولور. كيچيك بارماقلا تماسدا اولان وجودلارين تماسسي كسيلر. آرتيق تماسسا گرك يوخ. وجودلاردا اولان اولوملو دويغولار بيربيرينه ساريلميشدير. دويغولارين بير-بيرينه گيره رك بوتونلشمه سي اوزوندن هر كس موتلودور، هئيجانلي دير، ائنرژيليدير، گوجلودور.

اويونون ريتمي دئييشير و مئلودي هيزلانير. سورعتله دوام ائدن مئلودي نين ريتمينه اويغون اولاراق، هئم بايان و هم ده باي؛ هر فرد کولئکتيفين دويغولاريني تک باشينا ايفاده ائتمه ليدير. نوبت ايله هر فرد دايره نين اورتاسينا گليب و سيستئملي، دوزه نلي بيچيمده جمع دن آلديغي موتلولوغو، تانريسال دويغولاري، قوووتلي و ماهيرانه حركتلري ايله ايفاده ائديب، كولئكتيفي، کولئکتيفتئن آلديغي معنويياتي، دئيئرلري کئندي فردي حركت و داورانيشلاريندا تمثيل ائديب، يئرينه دونمه ليدير. بو حركت دسته نين باشيني چکن ايلک کيشيدن باشلاميش، دسته نين سونو اولان بايانا قدر دوام ائدير و هرکس اوزونه اؤزگو طرزده، اوزو ووجودوندا جئمع دن بيريکن روح حاليني ايفاده ائديريک، جئمعي تئمثيل ائدئر. بؤيلئجه ياللي، موتلو و تاتلي بير سونلوقلا بيتميش اولور.  

ياللي اويون هاواسي، ان چوخ زورنا ايله چالينير. کاپالي موحيطه  دئييل، آچيق موحيطده ايجرا ائديلير. بو يوزدن ده اوينايانلارين ايچ دونيالاري کاپاليليقدان آچيقليغا، گئنيشليغه دوغرو بير يؤنئليشه گئچير. زورنانين گوچلو قيشقيريشلاري داغلاردا، دره لرده يانکي بولور. يانکي بولورکن ده داغلارين، دره لرين، تئپه لرين گيزلريني رقص ائدئنلرين روحونا گئتيرير. بو يوزدن ده اوينايانلار هم ده دوغانين سيرلي روحو ايله ايلئتيشيم قورموش اولورلار. زورنانين سئسينده کي گوچ، رقص ائدئنلئري، ساده جه گوجلو قيلماز، همده روحلاري نين دئرين و اولاشيلماز قاتلارينداکي اوزاقليقلاري دا آيدينلاتميش، ياخينلاشتيرميش اولور. اينسان داريسالليقتان قورتولور، دار باتينيليکدان آزاد اولور و اوز ايچينده کي سونسوزلوقلارا، گئنيشليگه قووشور.  

ياللي رقصي نين بيرينجي بؤلومونون آماجي موتلولوغا تيرمانيش و کولئکتيف شئکيلده خوشبختليگي ياخالاماقتير. ايکينجي بؤلومون آماجي ايسه الده ائديلميش، پايلاشيلميش موتلولوغو بيريسئل پلاندا آنلاتماقتير. بيرئي کوللئکتيفدن آلديغي موتلولوغو سرگيله مه ليدير. ياللي اويون هاواسي، شامانچيليغين حالا ايچيميزده ياشيير اولماسيني اثباتلاماقدادير.

 

حاضيرلايان: علي دهقاني آذر