ژان کوکتو (1889-1963) کئچن يوزيلده فرانسيز مدنيتينين يئتيشديرديگي اونيوئرسال ايستعدادلاردان بيريدير، عئيني زاماندا شاعير، يازار، رسسام، سسئناري يازاري، کينو و تئاتر رئژيسسورو، تئاتر نظريييه چيسي کيمي فعاليت گؤستريب. "شعرلر" (1920) و" اوپئرا" (1927) آدلي شعر کيتابلاريندا کوکتونون او زامانلار آوروپا صنعتينده آپاريجي صنعت آخينلاري اولان دادايزم و سوررئاليزم اوسلوبوندا ياراتديغي پوئتيک نومونه لر توپلانيب. "علامه توما" (1923) و "ادبسيز اوشاقلار" (1929) رومانلاريندا او، گنجليگين پروبلئملرينه ايشيق ساليب. آنتيک ميفلرين يئني سپکيده ايشلنمه سينه حصر اولونموش پيئسلري ("آنتيقونا"، "اورفئي") دونيانين بير چوخ تئاترلاريندا اؤزونه صحنه عؤمرو قازانيب. "اورفئي" (1950) و "اورفئيين وصيتي" (1960) آدلي فيلملرده ايسه کوکتو رئژيسسور و سسئناري مؤليفي کيمي اؤزونو سيناييب.

 ادامه مطلب...

شاماخيدا دوغولوب (14-15-جي عصرلر).  

حوروفيلر تئيمورلنگ طرفيندن جيدي تضييقلره معروض قالديغي بير واختدا نسيمي وطندن ديدرگين دوشوب، عيراق، تورکييه، سورييادا ياشاماغا مجبور اولوب. حوروفيليک تعليمي اساسيندا ايره لي سوردويو پانتئيست (همه خدائي) ايدئيالاري اوستونده حلب شهرينده اعدام اولونوب. نسيميني تبريزي نيسبه سينده تقديم ائدن ابن العماد حنبلي يازير: "او، حوروفيلرين شئيخيدير، حلبده ساکين ايدي، طرفدارلاري چوخالدي، بيدعتي آرتدي، ايش او يئره چاتدي کي، سولطان اونون اؤلدورولمه سيني امر ائتدي، بوينو وورولدو، دريسي سويولدو، چارميخا چکيلدي."   

 ادامه مطلب...

اوشاقليقدا هاميميزين پيس يارالاري اولوب 

يورغانا دينده قوپوب 

اويانميشيق 

باشيميز يئردن اون قاريش آراليدي 

بوندان آز اولانا آجيييريق 

 ادامه مطلب...

افسانوي تورک آبيده سي اولان "کيتابي-دده قورقود" ائپوسوندا قوهوملوق موناسيبتلري بيلديرن سؤزلره راست گلينير و سؤزلر لئکسيکانين قديم قاتلارينا عايد ائديليب، ديلين لوغت فوندونا داخيل ائديلير. عاييله-نيکاح قوهوملوغوندان بحث ائدرکن، اونون اينکيشافي قان و نيکاح قوهوملوغونا ايستيناد ائديلير. بو تئرمينلر قوهوملوق بيلديرمکله ياناشي هم ده جينسين گؤستريجيسيدير.

 ادامه مطلب...

بيري وار ايدي، بيري يوخ ايدي، بير پادشاهين بير اوغلو، بير ده آروادي وار ايدي. بير گون بو پادشاه اوغلونو، وزيريني، وکيليني گؤتوروب قوشون ايله شيکاره چيخير. خئيلي اوو ائله ديکدن سونرا، بير گؤزل چمنده چادير قوروب، اوتوراق ائديرلر. 

پادشاهين اوغلو حيا ائتديگيندن، اؤز چاديريني بير کناردا قورور. پادشاه اوغلونو چوخ ايسته ديگيندن، تئز-تئز اونو يوخلار. يئنه ده قالخيب اوغلونو يوخلاماغا گئدير. گليب چاديرا گيرديکده، باخيب گؤرور کي، چاديرين داليندان بير قيزيل ايلان داخيل اولوب اوغلونو چالماق اوزره دي.

 ادامه مطلب...

بير شهر واريميش كي اوردا ياشايانلارين هاميسي اوغرويدولار. هر گئجه، شاملاريني يئديكدن سونرا، هره بير دسته آچار بيرده بير فانوس گوتوروب، قونشولارينين ائولريني سويماقا گوره ائودن ائشيگه چيخارديلار. سحر گوز آغارمادان شله سي دولو، سويولموش ائولرينه دونرديلر! بو دوزه ن پوزولمادان هامي دييه- گوله ليك له بير بيرينين كناريندا خوشبخت حيات سوروردولر. نييه كي هره باشقا بيري سينين ماليني چاليب و مالي چالينميشدا  بير باشقاسينين ماليني چاليردي. آل- وئر و تجارت ده بو ساياق اولوردو.

 ادامه مطلب...

علمي-تئكنيکي اينقيلابين ائکستئنسيو (گئنيش) و اينتئنسيو (گوجلو) اينکيشافي ايله، علمين، بيرينجي نؤوبه ده طبيعتشوناسليغين جمعيت حياتيندا و بيليکلر سيستئمينده رولونون دورمادان آرتماسي ايله علامتدار اولان اينديکي دؤورده اؤز علمي نين مئتودولوژي و نظري-ايدراک پروبلئملريندن دريندن باش چيخاران يوکسک ايختيصاصلي موتخصيصلرين حاضيرلانماسي و اونلاردا علمي-فلسفي دونياگؤروشونون فورمالاشديريلماسي موهوم اهميت کسب ائدير. بو واجيب وظيفه  نين حياتا کئچيريلمه سي نين موهوم شرطلريندن بيري فلسفه ايله طبيعتشوناسليغين قارشيليقلي علاقه سي نين دوزگون آنلاشيلماسيدير.

 ادامه مطلب...

من آنادان اولاندا آتام ساققال ساخلاميشدي. باکي کندلرينده مؤوجود اولان قايدايا گؤره، ياخين آداملاري وفات ائدنده کيشيلر بير هفته و يا قيرخ گون ساققال ساخلاييرديلار.

بو دفعه ايسه هئچ کس وفات ائتمه ميشدي. آتامين اوغلو يوخ، قيزي دونيايا گلميشدي…

 ادامه مطلب...

«کيتابي-دده قورقود» آذربايجان تورکونون قديم تاريخي، عادت-عنعنه سي، ائتنيک-ائستئتيک گؤروشلري، ميفيک باخيشلاري، بير سؤزله ماددي و معنوي دونياسيني بوتؤو شکيلده عکس ائتديرن ائنسيکلوپئديک (دانشنامه) بير اثردير.  

«کيتابي-دده قورقود» اثرينده آنتروپونيميک (آنتروپونيم: اينسان آدلاريني اينجه له ين علم) واحيدلر يارانما اساسلارينا گؤره ايگيدليک، شؤهرتليک، گؤزلليک، ديني ميفولوژي و ديگر مضمونلو آدلاردير.

 ادامه مطلب...

او گون يوخودا چوخ غريبه  احوالات گؤردوم. 

گؤردوم کي، چوخلو-چوخلو آداملار منيم باشيما ييغيشيب دئييرلر کي، سن حربچي اولماليسان، حرب علمينه يييلنه رک دوشمنلرين بئليني قيريب، آنالاريني آغلار قويماليسان. آچيغي اولجه "يوخ، آي بالام، ايستميرم، کندده ايکي سوت تورپاغيم وار، گئديب سوغان اکيب بالالاريمي دولانديرماق ايسته ييرم" دئمک ايسته ديم. آما باشيما ييغيشانلاردان بيري گؤزلريني برلده رک "جاماعات، حضرت عابباس حاقي، روستم-زالدان سونرا دونيايا بئله پهلوان گلمه ييب" دئيه قيشقيراندا نه يه گؤرسه شيرنيکلنديم، "هه، راز کي ايسته ييرسينيز... نه دئييرم، اولارام حربچي" سؤيله ديم. 

 ادامه مطلب...

دونيا کينوسونون اينجيلريندن اولان چارلز اسپئنسئر چاپلين اينگيلتره نين صاففولک قرافليغيندا دونيايا گليب.

 ادامه مطلب...

19-نجي عصرين بيرينجي ربعوندن، دونيانين مدني ايجتيماعيتينه معلوم اولان گوندن  «دده قورقود کيتابي» هئچ واخت علمين ديقتيندن کناردا قالماييب. حتّی کئچن عصرين 50-جي ايللري نين اوللرينده بو آنا کيتابيميز اؤز وطني آذربايجاندا و بوتؤولوکده سووئت تورکولوگيياسيندا اؤيره نيلمه سي ياساق اولوناندا بئله دونيا ميقياسيندا اونون اؤيره نيلمه سي فاصيله وئرمه دي. 

«کيتابي-دده قورقود» تکجه بديعي تفککوروموزون مؤحتشم آبيده سي دئييل، هم ده آذربايجان تورکلري نين ميفيک، تاريخي، جوغرافي، ائتنوقرافيک، اخلاقي گؤروشلرين ان مؤعتبر قايناغي، آنا ديليميزين ان اولو کيتابيدير. 

 ادامه مطلب...

البتته، سوالدان سواللار چيخير: "فلسفه دئديکده بيز نه يي نظرده توتوروق؟"، ياخود "بيزه هانسي فلسفه لازيم دئييل؟" و نهايت، "بيزه هانسي فلسفه لازيمدير؟"   

بيز هله اؤزوموز اوچون حقيقي فلسفه ايله آذربايجاندا فورمالاشميش "فلسفه" آنلاييشي آراسيندا فرقي آيدينلاشديرماليييق. چونکي چاغداش ايجتيماعي شعووردا و کيو-ده فلسفه دونيادا قبول اولوندوغوندان خئيلي فرقلي معنادا ايشله ديلير. ائل ديلينده فلسفه آز قالا مودريکليگين، حاضيرجاوابليغين ائکويوالئنتي کيمي باشا دوشولور. 

 ادامه مطلب...

بني-ايسرايل يوسيفله آروادي ائسفير گؤزل، صفالي دوزنليکله ساکيت-ساکيت آخان، سويو گون ايشيغيندا آلماز کيمي پارلايان بير چايين ساحيلينده بالاجا، سليقه لي ائولرينده ياشاييرديلار. اونلارين حياتي دا همين او چاي کيمي ساکيتجه آخيب گئديردي. 

قيرخ ايل ايدي کي، يوسيف آللاها عيبادت ائديردي. داشا گيرن کاهين ايبراهيم دئميشدي کي، کيم قيرخ ايل هر گون، هر گئجه آللاها عيبادت ائلسه، آللاه اونون اوچ خواهيشيني يئرينه يئتيرر. يوسيف بير گون ده عيبادتي نين واختيني کئچيرميردي.

 ادامه مطلب...

بهمن وطن اوغلو 1932-جي ايل دئکابرين 31-ده کلبجر رايونونون سئييدلر کندينده دونيايا گلميشدير. بورادا کند اورتا مکتبيني بيتيرديکدن سونرا کولخوزدا چاليشميش (1951-1955)، کند کيتابخاناسيندا مودير اولموشدور (1955-1960). آذربايجان دؤولت اونيوئرسيتئتي نين تاريخ فاکولته سينده تحصيليني داوام ائتديرميشدير (1960-1965). تعييناتلا کلبجر رايونونون لئو کند اورتا مکتبينه موعليم گؤندريلميشدير (1965-1967).

 ادامه مطلب...

من اونو دليجه سينه سئويرديم. بيز نييه سئويريک؟ بو بويدا دونيادا يالنيز بير نفري گؤرمک، بئينينده يالنيز بير فيکرين اولماسي، اورگينده بير ايستگين اولماسي و ديلينده يالنيز بير آدين اولماسي غريبه دئييلمي؟ بو آد بولاقدان سو سيزار کيمي دايم اورگي نين ايچيندن دوداقلارينا قالخير، سن اونو دوعا کيمي هميشه، هر يئرده، دورمادان تکرارلاييرسان، پيچيلداييرسان. 

 ادامه مطلب...

اينسان اوغلو وار اولدوغو گوندن "ائنيش"لرين اسيري، "يوخوش"لارين فاتئحي اولموشدور. نبيلر ايسه سونون خبرچيلري و باشلانغيجين موژده چيلري کيمي طالع يولونا سو سپميشدير. بلي، يئر فيزيکاسيندا دييشيکليکلر اولدوغو کيمي ميلتلر تاريخينده ده دييشيکليکلر اولموش، ترققيلر تنزوللرله نؤقطله نميشدير. حاديثه لر هئچ واخت عئيني خطده جريان ائتمه ميش، عکسينه گئجه لري گوندوزلر، قيشلاري دا باهارلار عوض ائتميشدير. بعضي ميلتلر بايراملارلا سئوينميش، بعضيلري ايسه ماتملرله ياسا بورونموشدور. واختي گلنده ده هر شئي ترسينه دؤنموش، گولنلر آغلاميش، آغلايانلار دا گولموشدور. 

 ادامه مطلب...